ETXARRI ARANAZKO ABESBATZA

• WEB-A: www.coraletxarriaranaz.com
• EMAIL-A:  info@coraletxarriaranaz.com
• HELBIDEA:
  • C/ Maiza 60, Etxarri Aranatz
• TLF: +34 619301330

Coral de Etxarri Aranatz – Etxarri Aranazko Abesbatza XX. Mendearen hasieratik herrian zegoen parrokia-abesbatzaren jarraitzailea da. 1970ean bere parrokia eremutik atera zen eta bere ibilbideari ekin zion eskatzen zitzaion tokian. 50
urte baino gehiagoko historian, lehiaketetan, proiektuetan eta/edo kontzertuetan parte hartuz etengabeko hobekuntza musikalean lan egiten du, gozatzeko eta gozarazteko irrika ahaztu gabe.Abesbatzak aipamen eta sari ugari jaso ditu. Bere lehen etapan, Tolosako Nazioarteko Lehiaketan (1973, 1974, 1977 eta 1983) eta Torreviejako Habanera etaPolifoniako Nazioarteko Lehiaketan (1976, 1982 eta 1996) jasotako sariak nabarmendu behar dira. 2007. urtean, Burgoseko Antonio José Lehiaketan bigarren
saria eta Ejea de los Caballeros Lehiaketan hirugarren eta publikoaren saria lortu zituen. Hurbilagoko historiari erreparatuz, San Vicente de la Barquerako Lehiaketan (2013) bigarren saria eta itsas lanen interpretazio onenaren saria eta Ejea de los
Caballeros Lehiaketan (2015) lehenengo saria lortu zituen. 2016. urtean Abesbatzak Kantu Koralaren Sari Nazional Handia eskuratu zuen. 600 emanaldi baino gehiago eskaini ditu nazio-lurraldean baita atzerrian ere. Aipamen berezia Iruñako Katedraleko kontzertuei, Musikaste Errenterian, Aita Donostia musika astea Donostian eta Gernikako Bonbardaketaren 60. urteurrena ospatzeko kontzertua Donostiako Orfeoiarekin batera. Kontzertuak Palentziako katedralean, Madrilen, Toledoko Alkazarren, Burgoseko katedralean etab. Eta gure mugetatik haratago, Frantzian (Nancy eta Tarnós), Italian (Loreto eta Vatikanoan), Hungarian eta Argentinako Buenos Aires, Rosario eta Cordoba hirietan.

Bere errepertorioak berpizkundetik musika garaikideraino hartzen du, musika klasikoari, erromantikoari eta XX. Eta XXI. Mendeetako musika genero guztiei dedikazio berezia eskainiz, tokiko polifonia eta folkloreari eskainitako atala ahaztu gabe.
2015az geroztik, abesbatzak Abesbatza Txiki bat du, taldeko bi kideek zuzendutako eta dinamizatutako proiektua. Proiektu horren helburu Nagusia da txikienek musikaz gozatzea eta etorkizunean abesbatzako kide izatea delarik.
Gaur egun, 2003tik, Etxarri Aranazko Abesbatza Alicia Armendáriz Murillok zuzentzen du.