errenteriako GABON ABESTI SARIKETA

Errenteriako GIPUZKOA Gabon Abesti Lehiaketa Gipuzkoako zaharrena da ia 80 urteko historiarekin. Hasiera batean Errenteriako Ereintza Elkarteak antolatzen zuen, eta gaur egun Gipuzkoako Abesbatzen Federazioarekin batera antolatzen da. Federazioak urte asko zeramatzan Ereintzarekin lankidetzan abesbatzen aukeraketan, epaimahaiaren eraketan eta musika aholkularitzan. Hainbat eszenatoki izan ditu lehiaketak bere historia luze osoan, baina 2024az geroztik Errenteriako Lekuona Fabrika auditorioan egiten da eta, normalean, urteko azken larunbatean. Herri abesbatzei, koadrilei, Gipuzkoako abesbatza federatuei… eta 2023tik aurrera baita Gipuzkoatik kanpoko abesbatzei ere irekia dago.