IRAGANETIK HONA – Náyade abesbatza

“Iraganeko Ahotsak» Náyade abesbatzaren proiektu artistiko berria da, musika eta historia uztartu nahi dituenak. Alaitz Urkiak zuzenduko du diziplina anitzeko kontzertu hau non publikoari gonbidapena egingo diogun Irungo historian zehar bidaiatzeko, bere biztanleen ahotsetatik abiatuta. Belen Sierra pianojolea eta Irungo kontserbatorioko ikasleak ere gurekin izango ditugu Irungo Oiasso Museoan eskainiko dugun kontzertu berezi honetan; horrez gain, Aizpea Goenagak Ana Galdós historialari irundarrak prestatutako testuak irakurriko ditu.